ဝမ်းနည်းခြင်းထဲက မျှော်လင့်ခြင်း

Louise (လူးဝိစ်)သည် သူနှင့်ဆုံတွေ့သူတိုင်းအား ပြုံးပျော်စေသည့် တက်ကြွပျော်ရွှင်သော မိန်းကလေးငယ်လေးဖြစ်သည်။ သူ့အသက် (၅) နှစ်အရွယ်၌ ရှားပါးရောဂါတစ်ခုဖြင့် ဆုံးပါးသွားခြင်းက ဝမ်းနည်းစရာဖြစ်သည်။ သူမရုတ်တရက်ကွယ်လွန်သွားခြင်းကြောင့် မိဘများဖြစ်သည့် ဒေးဒေးနှင့် ပီတာတို့ အပါဝင် သူတို့၏လုပ်ဖော်ဆောင်ဖက်များဖြစ်သည့် ကျွန်တော်တို့လည်း အလွန် စိတ်ထိခိုက်ခဲ့ရပြီး၊ သူတို့နှင့်အတူ ဝမ်းနည်းပူဆွေးခဲ့ရသည်။

ထိုသို့သောအခြေအနေကြားမှပင် ဒေးဒေးနှင့် ပီတာတို့သည် အသက်တာခရီးရှေ့ဆက်နိုင်ရန် ခွန်အားကို တွေ့ရှိခဲ့သည်။ ထိုအခြေအနေကို မည်ကဲ့သို့ ရင်ဆိုင်ကျော်ဖြတ်နေသနည်းဟု ဒေးဒေးအား မေးရာ၊ လူးဝိစ် သည် ချစ်မေတ္တာဖြင့် ထွေးဖက်ထားသည့် သခင်ယေရှု၏လက်တော်၌ ရှိနေသည်ဟူသည့် အချက်အပေါ်၌ အာရုံပြုလျက် ခွန်အားယူသည်ဟု ပြန်ပြောခဲ့သည်။ “ထာဝရအသက်ကိုဝင်စားဖို့ အချိန်ကျခဲ့ပြီဖြစ်တဲ့ သမီးအတွက် ကျွန်မတို့ဝမ်းမြောက်ရပါတယ်။ ... ဘုရားရှင်ရဲ့ကျေးဇူးတော်နဲ့ခွန်အားကို အမှီပြုပြီး ဝမ်းနည်းခြင်းထဲမှာ ကျွန်မတို့ အားယူလျှောက်လှမ်းနိုင်ကာ ကျွန်မတို့ကို ဘုရားသခင်အပ်နှံထားတဲ့အရာတွေကို ဆက်လက်လုပ်ဆောင်နိုင်ပါတယ်” ဟု ဒေးဒေးက ပြောသည်။…

မင်္ဂလာရှိသော လုပ်ရိုးလုပ်စဥ်

ရထားပေါ်သို့ ကြိတ်ကြိတ်တိုးတက်နေသည့် လူအုပ်ကြီးနှင့် မနက်ခင်းကို ကြည့်ပြီး စိတ်ဓာတ်ကျဖွယ်တနင်္လာနေ့ စတင်ပြီဟု ကျွန်တော်ခံစားလိုက်ရသည်။ ပြည့်ကြပ်နေသောရထားတွဲ၌ ငိုက်မြည်းလျက် အလိုမကျဖြစ်နေသော မျက်နှာများကို ကြည့်ခြင်းဖြင့် မည်သူမျှ အလုပ်သွားရန် မျှော်လင့်မနေကြောင်း ပြောနိုင်သည်။ လူအချို့က အထဲတိုးဝင်ရန်ကြိုးစားကြသောအခါ လူတို့မျက်မှောင်ကြုတ်ကုန်သည်။ ‘အလုပ်တွင် နောက်ထပ် နိစ္စဓူဝ နေ့တစ်နေ့ ရောက်လာပြန်ပါပြီ။’
ရှေ့တစ်နှစ်က ကိုဗစ်-၁၉ ကန့်သတ်မှုများကြောင့် ကျွန်ုပ်တို့၏နေ့စဉ် လုပ်ရိုးလုပ်စဉ်များ ဝရုန်းသုန်းကားဖြစ်ပြီး ရထားများစီးသူမရှိဖြစ်သွားသည်ကို ရုတ်တရက် ကျွန်ုပ်သတိရမိသည်။ အပြင်ထွက်၍ စားသောက်၍မရ၊ အချို့က ရုံးသွားရခြင်းကို ပြန်တမ်းတနေကြသည်။ သို့သော် ယခုတွင် ကျွန်တော်တို့ ပုံမှန် ပြန်ဖြစ်လုနီးပါးဖြစ်ပြီး လူအတော်များများက ခါတိုင်းကဲ့သို့ အလုပ်သွားကြပြီ။ “လုပ်ရိုးလုပ်စဉ်”သည် သတင်းကောင်းဖြစ်ပြီး “ငြီးငွေ့ဖွယ်ကောင်းခြင်း”သည် ကောင်းချီးတစ်ခုဖြစ်ကြောင်း ကျွန်တော်နားလည်ခဲ့သည်။

ရှောလမုန်မင်းသည် နေ့စဥ်ကြိုးစားအားထုတ်မှု၏ အဓိပ္ပာယ်ကင်းမဲ့ပုံကို သုံးသပ်ပြီးနောက် အလားတူကောက်ချက်ချခဲ့သည် (ဒေ ၂:၁၇-၂၃)။ တစ်ခါတစ်ရံတွင်…

သခင်ယေရှုအားဖြင့် ဆက်လက်ချီတက်ခြင်း

တောအုပ်ထဲ၌ပြေးနေစဉ် ဖြတ်လမ်းကိုတွေ့ပြီး အကျွမ်းမဝင်သည့်လမ်းမှ ကျွန်တော် ဆက်ပြေးခဲ့သည်။ ပြီးမှလမ်းပျောက်နေပြီလားဟု ကိုယ့်ကိုကိုယ် သံသယရှိသဖြင့် ‌ရှေ့မှလာနေသည့် အပြေးသမားအား လမ်းကြောင်းမှန်ရဲ့လားဟု မေးလိုက်သည်။

“မှန်တယ်”ဟု သူက ယုံကြည်ချက်ရှိရှိ ပြန်ဖြေခဲ့သည်။ သံသယဖြစ်နေသည့်ကျွန်တော့်အကြည့်ကို မြင်သည့်အခါ သူက လျင်မြန်စွာပင် “စိတ်မပူပါနဲ့။ ငါလမ်းမှားတွေ အကုန်ရောက်ဖူးတယ်။ ဒါပေမဲ့ အဆင်ပြေပါတယ်။ ဒါက ပြေးခြင်းရဲ့ တစ်စိတ်တစ်ဒေသပဲ” ဟု ထပ်လောင်းပြောခဲ့သည်။

ကျွန်တော့်ဝိညာဉ်ရေးရာခရီးလမ်းနှင့် မည်မျှကိုက်ညီလိုက်သနည်း။ ကျွန်တော် အကြိမ်မည်မျှ ဘုရားနှင့်ဝေးရာသို့ပြေးပြီး၊ သွေးဆောင်မှုအောက် ကျရှုံးကာ လောက အရာများ၌သာ အာရုံစိုက်နေမိသနည်း။ သို့သော် ဘုရားရှင်က ကျွန်တော့်အား အချိန်တိုင်းခွင့်လွှတ်ပြီး၊ နောက်တစ်ကြိမ် ကျရှုံးမည်ကို သိသိချည်းနှင့် ကျော်လွှားနိုင်‌အောင်မစသည်။ မှားယွင်းသည့်လမ်းပေါ် လျှောက်လှမ်းချင်နေသည့် ကျွန်ုပ်တို့ ၏စိတ်ကို ကိုယ်တော်သိနေသည်။ သို့သော် မိမိအပြစ်ကို ဝန်ချတောင်းပန်ပြီး ကျွန်ုပ်တို့အား ပြုပြင်ပြောင်းလဲရန် သန့်ရှင်းသောဝိညာဉ်တော်ကို အခွင့်ပေးပါက…

ဘယ်တော့မှ မဝေးပါ

ရာ့ဂျ် (Raj) သည် ငယ်ရွယ်စဉ်က သခင်ယေရှုကို ကယ်တင်ရှင်အဖြစ် ယုံကြည်ခဲ့သော်လည်း မကြာမီတွင် သူသည် ယုံကြည်ခြင်းမှသွေဖယ်ကာ ဘုရားသခင်နှင့်ကင်းကွာသော အသက်တာသို့ ဦးတည်သွားခဲ့သည်။ တစ်နေ့တွင် သူသည် သခင်ယေရှုနှင့် ဆက်ဆံမှုကို အသစ်ပြန်လည်စတင်ပြီး ဘုရားကျောင်းသို့ ပြန်သွားရန် ဆုံးဖြတ်ချက်ချခဲ့သည်။ ရလဒ်ကား ဤနှစ်များတစ်လျှောက်လုံး ပျောက်နေခဲ့ခြင်းအတွက် သူ့အား ဒေါသဖြင့် ဝေဖန်ပြောဆိုသည့် အမျိုးသမီးတစ်ဦး၏ဆူပူမှုကိုသာ ခံခဲ့ရသည်။ ဆူပူကြိမ်းမောင်းမှုက နှစ်ပေါင်းများစွာ လေလွင့်နေခြင်းအတွက် ရာ့ဂျ်၏ ရှက်စိတ်နှင့်မလုံမလဲစိတ်ကို ပိုတိုးစေခဲ့သည်။ “ငါ့အတွက် မျှော်လင့်ချက် မရှိတော့ပြီလား” ဟုသူတွေးမိသည်။ ထို့နောက် ရှိမုန်ပေတရုက ခရစ်တော်ကို ငြင်းပယ်ခဲ့သော်လည်း (လု ၂၂:၃၄၊ ၆၀-၆၁)၊ သူ့အား ခရစ်တော် ပြန်လည် တည့်မတ်ပေးပုံ (ယော ၂၁:၁၅-၁၇) ကို သူသတိရမိသည်။

မည်သို့ဆူပူကြိမ်းမောင်းမှုကိုခံရရန် ပေတရုမျှော်လင့်ထားပါစေ၊ သူရရှိခဲ့သမျှက ခွင့်လွှတ်ခြင်းနှင့် ပြန်လည်တည့်မတ်ပေးခြင်းဖြစ်သည်။ သခင်ယေရှုသည်…

အခြေအနေပေးလာသည့် လက္ခဏာလား

ကမ်းလှမ်းလာသည့်အလုပ်က ပီတာ၏လိုအပ်ချက်နှင့် ကွက်တိဖြစ်သည်။ ဝန်ထမ်းလျှော့ချရာ၌ သူပါသွားပြီး အလုပ်ပြုတ်ပြီးနောက်၊ မိသားစုကို သူ၏ဝင်ငွေတစ်ခုတည်းနှင့်သာ လုပ်ကျွေးပြုစုနေရခြင်းကြောင့် နောက်အလုပ်တစ်ခုရရှိရန် အပြင်းအထန် သူဆုတောင်းခဲ့သည်။ “ဒါက မင်းရဲ့ဆုတောင်းချက်ကို ဘုရားသခင်အဖြေပေးတာ” ဟု သူ့သူငယ်ချင်းများက အားပေးသည်။

ဝန်ထမ်းရပိုင်ခွင့် အကျိုးအမြတ်နှင့်ပတ်သက်သည့် စာချုပ်ပါအချက်များကို ဖတ်ပြီးသော်လည်း ပီတာ၏စိတ်၌ မသက်မသာခံစားနေရသည်။ ထိုကုမ္ပဏီသည် မသင်္ကာဖွယ်ရာလုပ်ငန်းများတွင် ရင်းနှီးမြှုပ်နှံထားပြီး လာဘ်စားလာဘ်ယူမှုဖြင့် နာမည်ပျက်သတ်မှတ်ခံထားရသည်။ နောက်ဆုံးတွင် ရင်နာနာဖြင့်ပင် ကမ်းလှမ်း လာသောအလုပ်ကို ပီတာငြင်းခဲ့သည်။ “ကျွန်တော်မှန်တာကို လုပ်ဖို့ ဘုရားသခင် အလိုရှိတယ်လို့ ယုံတယ်။ ကျွန်တော့်အတွက် ကိုယ်တော် ပြင်ဆင်ပေးမယ်ဆိုတာ ကျွန်တော် စိတ်ချထားဖို့ပဲ လိုတယ်” ဟု သူက ကျွန်ုပ်ကို ဝေမျှပြောခဲ့သည်။

ပီတာ၏အဖြစ်က ဒါဝိဒ်နှင့်ရှောလုမင်းတို့ ဂူထဲတွင် ဆုံကြသည့်အကြောင်း အရာကို ကျွန်တော်အား သတိပေးခဲ့သည်။ ဒါဝိဒ်သည် သူ့ကို လိုက်‌နေသူအား သတ်ဖြတ်ရန်…

သင့်ကဏ္ဍနှင့် ဘုရားကဏ္ဍ

ကျွန်ုပ်၏သူငယ်ချင်း ဂျဲနစ်သည် နှစ်အနည်းငယ်အတွင်း သူမ၏ဌာနတွင် စီမံခန့်ခွဲမှုတာဝန်ကို လက်ခံရန် သူ့အား ကမ်းလှမ်းလာသောအခါ သူမ စိုးရိမ်ပူပန်ခဲ့သည်။ ဤကိစ္စအတွက် သူမ ဆုတောင်းရာ ထိုခန့်အပ်မှုကိုလက်ခံရန် ဘုရားရှင် နှိုးဆော်သည်ဟု ခံစားရသော်လည်း တာဝန်ကို နိုင်နိုင်နင်းနင်းလုပ်နိုင်ပါ့မလားဟု စိုးကြောက်ခဲ့သည်။ “အတွေ့အကြုံနည်းနည်းလေးနဲ့ ကျွန်မဘယ်လိုဦးဆောင်နိုင်မှာလဲ။ ကျွန်မမလုပ်နိုင်ဘူးဆိုရင် ကျွန်မကိုဘာလို့ ဒီရာထူးပေးရတာလဲ”ဟု ဘုရားကိုမေးခဲ့သည်။

နောက်ပိုင်းတွင် ဂျဲနစ်သည် ကမ္ဘာဦးကျမ်း ၁၂ တွင် အာဗြံအား ဘုရားသခင် စေခိုင်းခြင်းအကြောင်းကို ဖတ်ရပြီး အာဗြံလုပ်ဆောင်ရမည့်အပိုင်းသည် ဘုရားသခင် ပြလတံ့သောပြည်သို့ မိန့်တော်မူသည်အတိုင်း၊ သွားရန်ဖြစ်ပြီး အာဗြံသွားခဲ့သည် (:၁၊ ၄)။ ၎င်းသည် အရေးကြီးသောအရွှေ့ဖြစ်သည်။ အဘယ့်ကြောင့် ဆိုသော် ရှေးခေတ်က မည်သူမျှ မိမိ‌နေရင်းပြည်ကို စွန့်၍ သွားလေ့မရှိပါ။ သို့သော် ဘုရားသခင်သည် အာဗြံအား သူအကျွမ်းဝင်သည့်အရာမှန်သမျှကို ချန်ရစ်ခဲ့ပြီး သူ့ကိုသာယုံကြည်ရန်နှင့် ကျန်အမှုအရာကို သူလုပ်ဆောင်မည်ဖြစ်ကြောင်း…

ထွက်ပြေးပါ

ရိုးရာဂျပန်လူမျိုးတို့၏ ကိုယ်ခံပညာရပ် ‘aikido’ (အိုက်ကီဒို) သင်တန်းအစသည် အံ့ဩဖွယ်ရာ အမြင်ပွင့်စေသည်။ ‘စန်စေ’ သို့မဟုတ် ဆရာက တိုက်ခိုက်သူနှင့် ရင်ဆိုင်ရချိန်တွင် ပထမဦးဆုံးတုံ့ပြန်မှုမှာ “ထွက်ပြေးရန်” ဖြစ်သည်ဟုဆိုသည်။ “မပြေးနိုင်မှသာ တိုက်ခိုက်ပါ” ဟု သူက အလေးအနက် ပြောသည်။

“ထွက်ပြေးရမယ်”ဆို၍ ကျွန်တော်အံ့သြမိသည်။ အဆင့်မြင့် ကိုယ်ခံပညာ ကျွမ်းကျင်သောဆရာက မတိုက်ခိုက်ဘဲ ထွက်ပြေးရန် အဘယ့်ကြောင့်ပြောသနည်း။ ၎င်းသည် ပြန်တိုက်ခိုက်ရန်ဆိုသည့် သာမန်ရိုးရိုးအတွေးနှင့် ဆန့်ကျင်ဘက် ဖြစ်နေပုံထင်ရသည်။ ပထမအဆင့်တွင် တိုက်ခိုက်မှုကို ရှောင်ခြင်းက မိမိကိုယ်ကို ကာကွယ်ရန် အကောင်းဆုံးသော အနေအထားဖြစ်ကြောင်း ရှင်းပြမှ “ဟုတ်သားပဲ” ဟု သဘောပေါက်သွားသည်။

သခင်ယေရှုကို ဖမ်းဆီးရန် လူများစွာရောက်လာသောအခါ ပေတရုသည် ကျွန်ုပ်တို့လုပ်မည့်ပုံစံအတိုင်း သူ၏ဓားကို ဆွဲထုတ်ကာ လူတစ်ဦးကို တိုက်ခိုက်သည် (မ ၂၆:၅၁၊ ယော ၁၈:၁၀)။ သို့သော် သခင်ယေရှုက…

ကားရပ်နားကွင်းမှငြင်းခုံမှုရန်ပွဲ

ယာဉ်ရပ်နားကွင်းရှိမြင်ကွင်းသည် ကြေကွဲဖွယ်မဟုတ်လျှင် ရယ်စရာဖြစ်နိုင်သည်။ ကားတစ်စီးက အခြားကားသွားမရအောင် လမ်းကြောပိတ်နေသည့် အတွက် ကားပိုင်ရှင် ယာဉ်မောင်းနှစ်ဦးက ကျယ်လောင်စွာ ငြင်းခုံလျက် ကြမ်းတမ်းသောစကားလုံးများဖြင့် အပြန်အလှန် ပြောဆိုနေကြသည်။

မြင်ရသည်မှာ စိတ်မချမ်းသာပါ။ ပို၍နာကျင်စရာကောင်းသည်မှာ ဘုရားကျောင်း၏ကားရပ်နားရာနေရာ၌ ဤသို့စကားများရန်ဖြစ်နေခြင်း ဖြစ်သည်။ သူတို့နှစ်ဦးသည် ချစ်ခြင်းမေတ္တာ၊ သည်းခံခြင်း၊ ခွင့်လွှတ်ခြင်းအကြောင်းစသည့် တရားဒေသနာတစ်ခုခုကို ကြားနာခဲ့ရမည်ဖြစ်သော်လည်း ယခုတွင်မူ သွေးဆူလျက် ကြားခဲ့သမျှကို မေ့လျော့သွားခဲ့သည်။

၎င်းတို့ကို ဖြတ်သွားရင်း ကျွန်တော်ခေါင်းကို ခါယမ်းလိုက်မိသည်။ ပြီးမှကျွန်တော်လည်း ထူးမခြားနားဟု သိလိုက်ရသည်။ သမ္မာကျမ်းစာကို အကြိမ်ကြိမ်ဖတ်ခဲ့ပြီးမှ ကြင်နာစာနာမှုကင်းမဲ့သည့် အတွေးဖြင့် ထိမိ၍လဲစရာ အပြစ်ထဲကျခဲ့လေခြင်း။ “မှန်၌ကြည့်၍ မိမိပကတိမျက်နှာကို ... ကြည့်ပြီးမှ အခြားသို့သွား၍ မိမိအဆင်းသဏ္ဌာန်ကို ချက်ခြင်းမေ့လျော့”သူကဲ့သို့ ကျွန်တော် ဘယ်နှစ်ကြိမ် ပြုမူခဲ့မိသနည်း (ယာ ၁:၂၃-၂၄)။

ရှင်ယာကုပ်က သူ၏စာဖတ်သူများအား ဘုရားသခင်၏ညွှန်ကြားချက်ကို ဖတ်ရှုပြီး ဆင်ခြင်သုံးသပ်ရန်သာမက…

အသစ်သောအစပြုခြင်း

ဒေသအသီးသီးမှ တရုတ်လူမျိုးများ ကျင်းပလေ့ရှိသော တရုတ်နှစ်သစ်ကူးပွဲသည် တရုတ်ပြက္ခဒိန်ရက်စွဲကို ယူထားပြီး၊ ဇန်နဝါရီ နှောင်းပိုင်းနှင့် ဖေဖော်ဝါရီ အလယ်ခန့်တွင် ကျရောက်လေ့ရှိသည်။ နှစ်သစ်ကူးချိန်၌ မိသားစုဝင်များ တွေ့ဆုံခြင်းအပြင် အခြားသော အထင်ကရရိုးရာအစဥ်အလာများ ကျင်းပဆင်နွဲကြသည်။ အဝတ်အစားအသစ် ဝယ်ယူဆင်မြန်းခြင်း၊ အိမ်သန့်ရှင်းရေးပြုလုပ်ခြင်း၊ အကြွေးဟောင်းများဆပ်ခြင်းဖြင့် နှစ်ဟောင်းမှအရာများကို နှစ်ဟောင်းတွင်ထားခဲ့ပြီး နှစ်သစ်တွင် အသစ်သောအရာဖြင့် စတင်ခြင်းဖြစ်သည်။

ဤဓလေ့ထုံးစံများသည် ခရစ်တော်အားဖြင့်ရရှိသည့် ကျွန်ုပ်တို့၏ အသက်တာသစ်ကို သတိရစေသည်။ ကျွန်ုပ်တို့ဘာဘဲဖြစ်ခဲ့ဖြစ်ခဲ့၊ ဘာဘဲလုပ်ခဲ့လုပ်ခဲ့၊ အရာအားလုံးကိုထားခဲ့ကာ ဘဝသစ်ကို စတင်နိုင်ပါပြီ။ ကားတိုင်ထက် အသေခံခဲ့သော ရှင်ယေရှုအားဖြင့် ခွင့်လွှတ်ခြင်း ခံခဲ့ရပြီကိုသိလျက် အတိတ်တွင် ဖြစ်ပျက်ခဲ့သည့်အရာများအတွက် မိမိကိုယ်ကို ထိုးနှက်ခြင်း၊ အပြစ်တင်ခြင်းများကို ရပ်ပစ်နိုင်ပါပြီ။ ရှင်ယေရှုနှင့်တူလာအောင် ကျွန်ုပ်တို့ကိုနေ့စဉ်ပြုပြင်ပြောင်းလဲပေးရန် သန့်ရှင်းသောဝိညာဉ်တော်ကိုအမှီပြုနိုင်ကြောင်း သိမှတ်လျက် ဘဝသစ်ကို စတင်နိုင်ပါသည်။

ထို့ကြောင့် ရှင်ပေါလုက “ဟောင်းသောအရာတို့သည် ပြောင်းလဲ၍ ခပ်သိမ်း သောအရာတို့သည် အသစ်ဖြစ်ကြပြီ”ဟု…

အကျိုးရှိသော စောင့်ဆိုင်းခြင်း

တရားမမျှတသောအကြီးအကဲနှင့် အလုပ်ချိန်များသောအလုပ်၏ ဖိစီးမှုများကြောင့် ဂျိမ်းစ် အလုပ်ထွက်ချင်ခဲ့သည်။ သို့သော် ဇနီးသည်နှင့်ကလေးကို စောင့်ရှောက်ရမည်၊ အာမခံချေးငွေလည်း ဆပ်ရဦးမည်။ မည်သို့ပင်ဖြစ်ဖြစ် အလုပ်ထွက်ရန် သူသွေးဆောင်ခံရသည်။ သို့သော် သူ့ဇနီးက “တောင့်ခံပြီး ကျွန်မတို့ကို ဘုရားသခင် ဘာပြင်ဆင်ပေးမလဲဆိုတာကို ကြည့်ရအောင်” ဟုသတိပေးခဲ့သည်။

လများစွာကြာပြီးနောက် သူတို့ဆုတောင်းချက်များအဖြေရခဲ့သည်။ ဂျိမ်းစ် သည် သူနှစ်သက်ပြီး မိသားစုကို အချိန်ပိုပေးနိုင်သည့် အလုပ်သစ်ကို ရရှိခဲ့သည်။ “အဲ့ဒီလတွေဟာ ရှည်ကြာလွန်းတယ်။ ... ဒါပေမဲ့ သူ့အချိန်မှာ ဖွင့်ပေးတဲ့ ဘုရားရှင်ရဲ့အကြံအစည်ကို စောင့်ခဲ့ရတာ ကျွန်တော်ဝမ်းမြောက်တယ်” ဟုသူပြောပြသည်။

ဒုက္ခအလယ်၌ ဘုရားသခင်၏မစကူညီမှုကို စောင့်ဆိုင်းရန် ခက်လှပြီး မိမိ၏ ကိုယ်ပိုင်ဖြေရှင်းနည်းများကို ဦးစားပေးရှာရန် သွေးဆောင်ခံရနိုင်သည်။ ဣသရေလလူမျိုးများသည် ထိုသို့ပြုခဲ့သည်။ ရန်သူ၏ခြိမ်းခြောက်မှုအောက်တွင် ဘုရားသခင်ထံ လှည့်ပြန်မည့်အစား အီဂျစ်ပြည်မှ အကူအညီရှာခဲ့သည် (ဟေရှာ ၃၀:၂)။ သို့သော် သူတို့နောင်တရပြီး သူ့ကိုယုံကြည်ကိုးစားလျှင်…